Ish-deputetja e Partisë Demokratike, Dhuarta Çupi ka përfunduar në komisariat pas sulmeve të KZAZ-së 16 në Burrel.
Ish-deputetja e PD ka deklaruar për News 24 se është shoqëruar në komisariat, ndërsa policia mohon që ta ketë shoqëruar Çupin.
Policia sqaron se nuk e ka shoqëruar drejpërdrejt ish-deputeten, por kjo e fundit ndodhej në një makinë që policia dyshonte se ndodheshin materialet zgjedhore të marra nga KZAZ, e për rrjedhojë do kontrollohej në komisariat.
Ish-deputetja sipas tyre nuk ka pranuar të zbresë nga makina dhe ka përfunduar në komisariat.
Dhuarata Çupi ishte pranë demokratëve gjatë trazirave që ndodhën sot në qytetin e Burrelit ku mbetën të plagosur disa persona.
E shoqëruar në komisariat rezulton të jetë edhe kryetarja e Forumit Rinor të Partisë Demokratike, Denisa Vata.
Qytetarët e Burrelit janë përplasur sot me policinë në tentativën për të hequr materialet zgjedhore nga KZAZ 16. Ky zhvillim është pasur nga hedhja e gazit lotsjellës si dhe plagosja e disa qytetarëve dhe efektivëve të polcisë.
Pas disa orëve tension, militantët kanë arritur të djegin materialet zgjedhore, ndërsa në përfundim të aksionit kanë bllokuar edhe rrugën.
