Presidenti i Republikës, Ilir Meta, ka deklaruar se nuk bën pjesë tek ata politikanë që flasin në emër të ambasadave, të ndërkombëtarëve, dhe as nuk fshihet pas tyre.Gjatë konferencës për media pas vendimit të Kolegjit Zgjedhor, Kreu i Shtetit është shprehur se nuk ka anuluar zgjedhjet në Itali apo në një vend tjetër të huaj, por në Shqipëri, që sipas tij, është në krizë të thellë prej disa muajsh.
“Nuk hyj te ata politikanë që flasin në emër të ambasadave, ndërkombëtarëve dhe që fshihen pas tyre. Në Shqipëri i vetmi institucion që vendos për datën e zgjedhjeve është Presidenti. Unë nuk kam anuluar zgjedhjet në Itali, apo në një vend tjetër, por në Shqipëri, për shkak të një krize të thellë, që vijon prej disa muajsh. Mos prisni nga asnjë ambasador të iu thotë këtë që po iu them unë”, është shprehur Meta.
