Ashtu siç kishte paralajmëruar, kryeministri i Shqipërisë Edi Rama ka paditur zyrtarisht në gjykatat gjermane gazetarin Peter Tiede.
Pas publikimit të përgjimeve nga gazeta “Bild”, kreu i qeverisë paralajmëroi se çështja do të kalojë në dorë të gjykatave gjermane.
Kryesocialisti njofton sot se ka autorizuar avokatin gjerman Matthias Prinz, për nisjen e procesit gjyqësor mbi publikimet e BILD, duke shtuar se u mbetet atyre të vendosin kush ka të drejtë e kush ka faj.
“Sapo i kam dhënë prokurën avokatit gjerman Matthias Prinz, për nisjen e procesit gjyqësor mbi publikimet e BILD! Gjykatat gjermane le ta vendosin kush ka të drejtë e kush ka faj në këtë mes. E bëj sepse shqiptarët meritojnë ta dinë të vërtetën nga drejtësia e atij vendi pa hije”, shkruan Rama.