Në muret e kalasë së Himarës shkruhet: Himara është Greqi. Denoncimi është bërë nga aktori i humorit Florjan Binaj, i cili denoncon rastin.
Binaj shprehet se një veprim i tillë është i turpshëm, ndërsa shprehet i indinjuar që qeveria shqiptare nuk ka marrë masa për të fshirë shkrimet në mure.
“Nëse shkrime të tilla do bëheshin në Greqi do quhej incident diplomatik…kur bëhen në Shqipëri quhet sezon turistik…TURP”, shkruan Binaj.
Postimi i plotë i aktorit Florian Binaj:
Një turp i madh që në mes të sezonit turistik, askush nuk bën asgjë për të fshirë këto shkrime ofenduese si: Himara është Greqi dhe Epir, në muret e kalasë së Himarës…Ministria e Turizmit si je? Nëse shkrime të tilla do bëheshin në Greqi do quhej incident diplomatik…kur bëhen në Shqipëri quhet sezon turistik…TURP!