Klubi i Albasetes në Spanjë ka bërë zyrtare ditën e djeshme, blerjen e kartonit për Rei Manajn. Ashtu siç ishte dhe lajmëruar më parë, tashmë kartoni i sulmuesit shqiptar nuk do i përkasë më Interit, por klubit spanjoll që militon në ligën e dytë spanjolle. Siç njofton vetë klubi, Manaj tashmë ka firmosur edhe një kontratë të re me Albaseten, që do e mbajë lidhur edhe për 5 sezone të tjera, pra deri më 2024.
“Jemi shumë të lumtur për blerjen e Manajt. Ai është një futbollist i ri dhe e kemi ndjekur që kur ka qenë akoma më i ri. Është një sulmues që na jep kënaqësi tashmë në të ardhmen dhe e dimë që rritja e tij do na shërbejë akoma edhe më shumë në të ardhmen”, – u shpreh drejtori sportiv i Albasetes, Mauro Perez.
Shfaq Komentet (0)