Rëndohet bilanci i tragjedisë në Korçë. Ditën e sotme ka ndërruar jetë vëllai i viktimës që u vra nga kunati mbrëmjen e së hënës.
Gazetarja Lorena Kodra raporton për “Gazetën Shqiptare” se ka ndërruar jetë vëllai i Gramoz Nakos, i cili u vra nga Serefedin Zenellari.
Viktima është 59-vjeçari Rasim Nako. Ai vuante nga një sëmundje e rëndë, ndërsa nuk përjashtohet mundësia se mund të ketë ndërruar jetë për shkak të traumës që përjetoi nga vrasja e vëllait.
Kujojmë se një histori sentimentale duket se është bërë sebepi i ngjarjes me dy viktima në Korçë. Kur policia shkoi të merrte si të dyshuar Serefedin Zenellarin për vrasjen e kunatit të tij, Gramoz Nakon, ai i dha fund jetës brenda banesës së tij.
LEXO EDHE:DETAJE/ Krimi i rëndë në Korçë, lidhje sentimentale me ish gruan, vret kunatin e më pas edhe veten