Rritje e çmimit të naftës? Rama përgjigjet me fjalët e ministres

Pas zërave opozitarë për rritje të taksës së naftës në vend ka reaguar Ministrja e Ekonomisë, Anila Denaj. Përmes një reagimi në rrjetet soaciale ministrja shprehet se deklarata e kryedemokratit Basha për rritje të taksës së karburantit, është thjeshtë dhe vetëm produkt i fantazisë së tij.

“Kur e humbet debatin, i humburi kapet pas sajesave! Kjo m’u kujtua duke dëgjuar Lulzim Bashën që flet për rritje të taksës së karburantit.

Një tjetër produkt i një fantazie gjithnjë e më shumë për të ardhur keq! S’ka rritje taksash, s’ka taksa të reja!”, shkruan Denaj në Twitter.