EMRAT/Sulmi ndaj KZAZ 3 në Shkodër, lihen të lirë 5 të akuzuarit

Gjykata e Shkodrës ka dhënë masën se sigurisë për të arrestuarit, të përfshirë në incidentet e KZAZ numër 3 në shkollën “Shejnaze Juka”.

Gazetari Senaq Nikshiqi raporton për “Gazetën Shqiptare” se Apeli ka lënë në “detyrim paraqitjeje” të gjithë të arrestuarit. Kështu, “detyrim paraqitjeje” është dhënë për Adi Garucin, Orlando Thepin, Gentian Bytyçin dhe Alfred Nikollin.

Ndërkaq, Cesk Toma është lënë pa masë sigurie dhe ndalimi është konsideruar i paligjshëm.

Të gjithë personat e lartpërmendur dyshohet se kanë marrë pjesë në djegien e kutive në KZAZ numër 3 në Shkodër.