Dje u shënuan 22 vjet që kur janë masakruar 8,000 burra dhe djem boshnjakë myslimanë gjatë gjenocidit 11 ditësh në Srebrenicë. Trupat e të vrarëve e hodhën në varrezat masive. Edhe pse SHBA dhe Britania e Madhe kishin dijeni më herët se kjo masakër do të ndodhte, nuk bënë asgjë. Ndërsa, Rusia ende e refuzon ta quajë këtë tragjedi gjenocid.
Kur gratë e këtyre burrave të vrarë janë pyetur se çfarë u mungon më së shumti nga bashkëshortët e tyre, ato u përgjigjen se u mungon kafja që pinin së bashku.
Në korrik të vitit 2017, në Chikago, 8,000 filxhanë të kafës janë derdhur për të nderuar jetën e 8,000 të masakruarve.
Stafi i Cair-Chicago dhe praktikantët e tyre i janë bashkanagjitur komunitetit të Bosnjës duke marrë pjesë në instalacionin “Što Te Nema” (Pse nuk je), për t’u solidarizuar me ta dhe për t’i nderuar ata që e humbën jetën.
Artistja: Aida Šehović, PSE NUK JE