Para disa vitesh nëse s’kishe lindur me flokët biondë, as që mund të mendohej që një mashkull të ‘vinte dorë’ duke i lyer me bojë e sa hap e mbyll sytë të çelte ngjyrën nga të zeza, në fjala bie të verdha, apo edhe platin.
Por ja që kohët kanë ndryshuar dhe tani po bëhet çdo herë e më familjare që edhe meshkujt të drejtohen për tek parukieri e të bëjnë ndryshime drastike qofshin këto edhe në ngjyrën e flokëve! Më i fundit që i është bashkuar trendit është prezantuesi Flori Gjini.
Flori, i cili këtë të hënë do të rikthehet në ekran me emisionin veror “Pushime on Top” ka menduar të ndryshojë look duke u bërë biond. Kujtojmë se më përpara, ai që solli ndryshimin drastik në flokët e tij është reperi Mozik, i cili krejt papritur u shfaq me flokët e bardha. Edhe këngëtari Majk surprizoi jo pak teksa disa ditë më parë postoi një foto, ku u pa të kishte çelur në mënyrë drastike ngjyrën e flokëve, duke u kthyer në biond me flokë pothuajse të bardha.