Një ngjarje e rendë ka ndodhur në SHBA, kur babai ka goditur për vdekje vajzën e tij 6-vjeçare me topin e golfit.
Ngjarja ka ndodhur mëngjesin e të hënës në qytezën Orem të Utah, në kompleksin sportiv “Sleepey Ridge Gols Course”.
Babai kishte marrë me vete në seancën stërvitore edhe vajzën e tij 6 vjeçe, e cila po qëndronte brenda në makinën e hapur të golfit, në një cep të kompleksit.
Mediet e huaja raportojnë se rutina sportive është kthyer në tragjedi për burrin, i cili ka goditur shumë keq me forcë në kokë vogëlushen, duke e lënë të vdekur.
Policia lokale mbërriti në vendngjarje por pas hetimeve të kryera, nuk u ngrit asnjë akuzë ndaj babait, pasi ngjarja u konsiderua një aksident fatkeq.
Në historinë e këtij sporti, raste që njihen për ngjashmërinë me këtë incident janë regjistruar në tetor të vitit 2017 dhe shkurt 2018, të dyja raste në SHBA ku topi i golfit i ka sjellë vdekjen dy personave në mënyra krejtësisht aksidentale