Seriali i famshëm “La Casa de Papel” është shndërruar tashmë prej më të ndjekurve dhe më të komentuarve në botë, teksa atë shumtë janë edhe shikuesit në Shqipëri.
I cilësuar si një ndër serialet më të ndjekurit në Netflix, së fundi është publikuar edhe sezoni i tretë.
Për kushdo që e ka ndjekur, e veçanta e serialit janë emrat e personazheve grabitës, të cilët janë nofka me emra të kryeqyteteve të famshme të botës.
Një nga personazhet, Nairobi (kryeqyteti i Kenias në Afrikë), nëpërmjet një videoje të publikuar ka treguar se do të donte ta kishte emrin e kryeqytetit shqiptar, Tiranës.
Në një intervistë të realizuar me kastin e aktorëve të serialit, teksa pyeten se cili personazh do donin të ishin, ata pyeten edhe për emrat e vendeve që do pëlqenin.
Për aktoren që luan Nairobin, Alba Flores, do të pëlqente një qytet me forcë dhe pasion, prandaj përgjigjja e saj është “kryeqyteti i Shqipërisë, Tirana”.
Përgjigje e cila merr edhe aprovimin e aktorëve të tjerë të serialit.
