Tenori shqiptar i skenave ndërkombëtare, Ramë Lahaj ka mbajtur mbrëmjen e djeshme një koncert në Prishtinë.
I titulluar ‘’Ramë Lahaj with Friends’’ ky koncert u mbajt mbrëmë në sheshin Skënderbeu. Pjesëmarrja masive e bashkëatdhetarëve të tij e ka mahnitur artistin.
“Mundesh me qenë me fat, me i rae tanë dynjasë rreth e përqark, po dashninë si në tokën nanë s’e gjen askund”, ka shkruar artisti.
Emocionet e tenorit kanë qenë tejet të mëdha…
“Ju dua, qysh e do nana fëmijën, ohh sh’iptarët e mi të dashur! E ju premtoj se cdo vit kam me ju dhanë një koncert të këtillë, për çdo vit kemi me i këndue bashkë dashnisë e lirisë”, vijon ai.
Postimi i plotë i Ramë Lahaj:
Mundesh me qenë me fat, me i rae tanë dynjasë rreth e përqark, po dashninë si në tokën nanë s’e gjen askund! Aty ku ta shijojnë e dëgjojnë çdo frymëmarrje, sikur të ishte e fundit.
Aty ku vuajtja e gëzimi na rrëmbejnë njëkohësisht, sepse kemi vuajt shumë që m’u mbledhë kështu… pa frikën nga pushtuesi, e për të k’nue gjithçka që na do zemra në tokën që sakrifikuam aq shumë për të.
Nga sheshi i të madhit Skënderbe, e me hovin e trokut të tij, sh’iptarët do t’i biejnë botës anë e mbanë, për me tregue që jemi diamanti i Europës, jo ai qe ju është e shtremnue ndër shekuj!
Ju dua, qysh e do nana fëmijën, ohh sh’iptarët e mi të dashur! E ju premtoj se cdo vit kam me ju dhanë një koncert të këtillë, për çdo vit kemi me i këndue bashkë dashnisë e lirisë.
Një falënderim i madh për komunën e Prishtinës, orkestrës mbarëkombëtare dhe kolegëve të mi nga vendi e ndërkombëtarë.
I juaji përgjithmonë.