Polonia dëshiron që të sigurohet se Komisioni i ri Evropian, do të qëndrojë fuqishëm përballë Rusisë.
Varshava zyrtare ka thënë se disa vende të Bashkimit Europian po vazhdojnë që ta rrisin dukshëm miqësinë me fqinjin e tyre lindor – Rusinë, shkruan Reuters.
“Duket se disa liderë të vendeve të BE-së nuk janë të vëmendshëm se aktivitetet e tyre shihen si përpjekje për t’i ngrohur marrëdhëniet. Dhe nëse nuk e dinë, atëherë politika e tyre është në rrugë të keqe”, ka thënë zëvendësministri i Jashtëm i Polonisë, Marcin Przydacz.
Komentet e tij vijnë pas ndalimit që Rusia u ka bërë rreth një mijë protestuesve gjatë fundjavës të cilët kërkonin zgjedhje të lira.
BE-ja bashkë me Poloninë kanë dënuar brutalitetin policor në këto protesta.
“Nuk ka asnjë arsye që të ftohen liderët e Rusisë nëpër mbledhje apo të vallëzohet me ta…masat janë vënë për të inkurajuar Rusisë që të tërhiqet nga politika agresive në lindje të Evropës…ku nuk e ka bërë asnjë hap prapa.”