Aktualitet

Kush është viktima e ditës së sotme/ Si i shpëtoi atentatit në maj dhe lidhja me Met Kananin

12:08 - 12.08.19 gsh

Armando Gjini ose Tonin Gjini është viktima e vrasjes së ditës së sotme në Rrëshen. Gjini njihej si një person me precedent penal. Ndër të tjera, ai ishte anëtar i bandës së Met Kananit, baroni i drogës i arrestuar në Turqi. Në maj të këtij viti, Armando Gjinit i është vendosur eksploziv në makinë, por ai mundi ti shpëtonte atentatit.



Njoftimi i policisë:

Me datë 06.05.2019, në Rreshen, Mirditë në një mjet të parkuar,në përdorim të shtetasit A.Gj.,48 vjeç,banues në Mirditë, është konstatuar një sasi lënde e dyshuar eksplozive. Menjëherë janë njoftuar Specialistët e Njësisë Anti Eksploziv, ku kanë bërë të mundur asgjesimin e saj. Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit”.

Po kush është Armando Gjini?

Armando Gjini, është i njohur për drejtësinë si pjesë e grupit të Met Kananit. 48-vjeçari u arrestua vitin e kaluar në datë 12 maj si pjesë e grupit të baronit të drogës, Met Kanani.Vitin e kaluar në kuadër të operacionit ‘Precizioni’ Gjini u arrestua së bashku me 37 persona të tjerë, ndërsa u sekuestruan 8 ton drogë. Vetëm 4 ditë pas arrestimit Gjini u lirua nga burg, ndërsa hetimet e para sa i përket tritolit të vendosur i përkasin kësaj piste.Met Kanani njihet nga mediat turke si “Eskobari shqiptar” për shkak të famës që ai ka marrë atje si koka e një rrjeti të madh të trafikut të lëndëve narkotike përfshirë edhe heroinë e kokainë. Nga operacionet e zhvilluara më herët edhe në Itali, Greqi, Turqi e Shqipëri, bandës i është sekuestruar mbi 8.4 ton kanabis me vlerë tregu 10 mln euro.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *