Këngëtari i njohur, Sidrit Bejleri u bë baba për herë të katërt në qershor. Dhe dje, në ditën e Kurban Bajramit, Sidriti ka treguar portretin e më të voglës së familjes. Ai ka publikuar një foto të familjes në këtë ditë feste dhe në sy bie vogëlushja e veshur me një fustan rozë. Vajza quhet Ejna dhe ka pozuar si një kukull përballë aparatit, teksa qëndron në krahët e mamit.
“Gëzuar Kurban Bajramin dhe Zoti ju begatoftë!”, shkruan Sidriti në këtë ditë të veçantë dhe shumë të rëndësishme për të. Kaq është dashur që menjëherë të shpërthejnë komentet dhe urimet për këtë portret kaq të bukur.
Shfaq Komentet (0)
