Shëndet

Pse duhet ta konsumoni qumështin me hudhër

14:30 - 12.08.19 Gazeta Shqiptare

Perimet, frutat dhe erëzat janë pjesë e disa prej kurave më të mira mjekësore që njeriu mund të përdorë kundër shumë sëmundjeve dhe çrregullimeve. Një prej këtyre kurave bashkon qumështin dhe hudhrën për të krijuar një lëng të fuqishëm kundër artritit, kollës, pagjumësisë, sëmundjeve të zemrës dhe shumë sëmundjeve të tjera. Mund ta përgatisni këtë kurë në mënyrën më të thjeshtë dhe ta përdorni atë sa herë keni nevojë. Përbërësit: 10 thelpinj hudhër të grirë hollë, 2-3 lugë çaji me sheqer ose mjaltë, 500 ml qumësht, 250 ml ujë. Përzieni ujin dhe qumështin në një tenxhere. Shtoni hudhrën dhe vendoseni në zjarr. Sapo lëngu të marrë valë, uleni temperaturën dhe përziejeni vazhdimisht. Pas pak minutash, hiqeni tenxheren nga zjarri, kullojeni lëngun, shtoni sheqerin ose mjaltin dhe piheni të ngrohtë. Përfitimet e kësaj pijeje të shëndetshme janë të shumta. Konsumi ditor i këtij lëngu ndihmon në trajtimin e simptomave dhe dhimbjeve shoqëruese të artritit.



Ky qumësht ndihmon në zbutjen e dhimbjeve të nervit shiatik. Qumështi me hudhra është një mënyrë shumë efikase në uljen e kolesterolit të keq dhe parandalimit të formimit të pllakëzave të gjakut. Qumështi me hudhra duhet pirë çdo natë përpara gjumit për të zbutur simptomat e astmës. Ju mund të pini qumështin ose të hani tre thelpinj hudhër çdo natë. Hudhra eliminon toksinat nga organizmi dhe aktivizon enzimat e mira me qëllim përmirësimin e funksionit të mëlçisë. Hudhra përmban shumë sulfur që është mjaft i rëndësishëm për mëlçinë. Hudhra përmban edhe selenium dhe alicinë, të cilat luftojnë yndyrosjen e mëlçisë. Konsumi i rregullt i hudhrës dhe qumështit në një lëng të vetëm për pesë ditë me radhë, ndihmon në trajtimin e verdhëzës. Qumështi me hudhra ndihmon në qetësimin e organizmit dhe ju ndihmon të flini më mirë. Qumështi me hudhra duhet pirë tri herë në ditë kundër pneumonisë. Kombinoni qumështin, hudhrën, shafranin e Indisë dhe pak mjaltë dhe piheni lëngun për të kuruar kollën kronike. Vlerat fantastike antiseptike të hudhrës e bëjnë atë shumë të rëndësishme për sistemin imunitar, tretjen, pastrimin e sistemi limfatik dhe detoksikimit të trupit. Ky lëng ndihmon në sekretimin e lëngjeve tretëse dhe kundër diarresë. Piheni qumështin me hudhra për një javë të tërë nga një gotë në ditë për të rregulluar nivelin e kolesterolit.
Mënyra e pirjes së qumështit me hudhër edhe për problemet e përmendura më sipër është nga një gotë në ditë për një javë.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *