Armina Mevlani, është e njohur gjerësisht nga publiku për bukurinë dhe aktivitetet e saj në rrjetet sociale në lidhje me trendet e modës. Megjithatë ajo që e ka bërë të jetë shpesh në vëmendjen e mediave është dhe lidhja me djalin e ish- kryeministrit, Sali Berisha, Shkëlzen Berisha.
E ftuar në emisionin veror “Pushimet On Top”, nën drejtimin e Ori Nebiajt, Armina Mevlani ka folur për lidhjen e saj me Shkëlzenin dhe ndër të tjera është shprehur dhe për marrëdhëniet që ka me vjehërrit e saj Sali dhe Liri Berishën.
Ajo ka thënë që shkon shumë mirë me të dy por e pyetur nga gazetarja se kush e llaston më shumë nga dy vjehërrit, Armina është shprehur se grave u shkon më shumë llastimi, duke na lënë të kuptojmë se është vjehrra.
Mbase është dhe për shkak të marrëdhënieve të mira që kanë më njëra-tjetrën që bloggerja thotë se preferon ta thërrasë në emër të vjehrrën pasi sipas saj respekti është më i rëndësishëm se sa forma si e thërret.