Luana Vjollca është një nga moderatoret më të preferuara për publikun. Moderatorja është shumë aktive në rrjetet e saj sociale, ku ndan vazhdimisht me fansat foto dhe video të ndryshme si nga jeta profesionale, po ashtu dhe nga ajo private. Ajo ndodhet në Dhërmi së bashku me familjen e saj, mamanë Maria, motrën e madhe Lira, Marinën dhe mbesën Jori.
Këngëtarja ka postuar disa foto nga këto pushime e foto më e veçantë është ajo ku shfaqet e përkëdhelur pranë të ëmës, e cila e puth në ballë. “E bekuar nga familja ime dhe natyra e mrekullueshme e Shqipërisë! Faleminderit Zot”- shkruan Luana. Nuk ka lënë pa komentuar as motra e saj Marina, e cila i ka shkruar: “Sa njeri të mirë e keni atë të dytën në foto, me fat që e keni”- ka shkruar Marina duke komplimentuar mamanë e saj.