Një drekë në hijen e pemëve, në ajër të pastër e në freskinë e Birra Korça, me ushqime tradicionale, tipike të këtyre ditëve festive në qytetin e serenatave. Stafi i News24 që mbulon ‘Festën e Birrës’ që i ka dhënë gjallëri e ngjyra këto net Korçës, ka kaluar disa orë pushimi duke shijuar freskinë e birrës së parë shqiptare në shtëpinë e saj në Korçë.
Nuk mund të mungonte mikpritësi, Presidenti i Hysenbelliu Group z.Irfan Hysenbelliu e të gjithë kanë folur jo vetëm për detajet e festës që do të transmetohet ‘live’ por edhe për projektet e afërta për zhvillimin e grupit dhe News24 që sjell çdo vit risi. Mes batutave, humorit e miqësisë, z.Hysenbelliu, gazetarët, operatorët dhe stafi i News24 kanë ndarë ide e mendime për punën e përditshme.
Sot News24 fillon transmetimin ‘live’ të festës së birrës nga ora 21:00 dhe për ata që do kishin dashur të ishin pjesë e netëve korçare duke shijuar një gotë birrë Korça të ftohtë por nuk kanë mundur, mund ta ndjekin nëpërmjet ekranit.