Hetimet për vrasjen e Santiago Malkos, më 27 gusht të këtij viti, nuk kanë arritur të gjejnë ende një autor, por kanë zbuluar detaje të tjera nga jeta e tij.
Ai ka qenë emëruar si Inspektor Pyjesh në zonën e Dajt. Nga verifikimet ka rezultuar se që prej janarit të këtij viti, ai nuk ishte paraqitur në punë, e ndërsa pagesat kryheshin normalisht në llogarinë e tij bankare.
Nisur nga këto të dhëna, po hetohet e gjithë praktika e ndjekur se si Malko ka mundur të punësohet në këtë institucion, pasi në administratën shtetërorë dëshmia e penalitetit është kriteri kryesorë dhe duhet të jetë e pastër ose që personi të jetë i rehabilituar.
Tre vite më parë, Santiago Malko u arrestua nga Policia e Tiranës, pasi u përfshi në një konflikt me dy vëllezërit Lashi, e në atë kohë hetimet zbuluan se shkak ishte një borxh prej tyre për shkak të basteve sportive.Liberalja