LIFE STYLE

Vidhet tualeti prej ari, me vlerë 1 mln paund

13:08 - 15.09.19 gsh

Një tualet prej ari 18 karatësh është vjedhur gjatë një vjedhjeje që ndodhi në Pallatin Blenheim.Policia ka njoftuar se punimi i artit u vodh nga një bandë brenda natës rreth orës 04:50.Ky tualet ishte pjesë e një ekspozite të artistit konceptual italian, Maurizio Cattelan që u hap të enjten.



Tualeti nuk është gjetur, por një burrë 66 vjeçar është arrestuar.Sipas policisë vjedhja shkaktoi “dëme të mëdha dhe përmbytje”.Pallati i Shekullit 18 është një bazë e Trashëgimisë Botërore dhe vendlindja e Sir Winston Churchill.Ky pallat aktualisht është mbyllur, ndërsa hetimet po vazhdojnë.

“Arti që është vjedhur është një tualet me vlerë të lartë”, tha inspektori. Tualeti i artë u ofrua në mënyrë të famshme për Presidentin e SHBA-ve, Donald Trump në vitin 2017.

Askush nuk u lëndua gjatë grabitjes dhe njeriu i arrestuar ndodhet në arrest policor. Tualeti është krijuar për të treguar pabarazitë shoqërore, politike dhe ekonomike në Shtetet e Bashkuara.Por gjithashtu nxjerr në pah ngjashmëritë e pashmangshme njerëzore pavarësisht dallimeve sociale dhe ekonomike.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *