Rrjetet sociale janë bërë gjithnjë e më shumë protagoniste në botën e futbollit, teksa mjafton një mesazh i koduar apo një foto për të nisur polemika e për të folur gjithë kohën për to. Kështu, ka rezultuar edhe një postim i vëllait të sulmuesit të Juventusit, Paulo Dibala.
Vëllai Gustavo, kishte postuar një shkrim ku thuhej se: ” Violina nuk mund të luajë muzikë të bukur nëse i mungon një tel”. Një shprehje pakënaqësia ndaj trajnerit Mauricio Sarri, i cili nuk preferoi ta aktivizonte argjentinasin për asnjë minutë në ndeshjen e djeshme pavarësisht dëmtimit të Kostës. Pak minuta më vonë, mesazhi u fshi, megjithatë vëmendjen e mori duke u shpërndarë pasivisht. Ndërkaq, Dibala pritet të marrë më shumë minuta tashmë, ndoshta prej së mërkurës në Champions League, pas dëmtimit të Duglas Kosta.