Edhe pse nuk është bërë publike kurrë nga vetë çifti, Vera Oruçaj dhe Sunaj Saraqi, çifti i njohur i viteve të 90-ta janë burrë e grua. Dihet tashmë historia e çiftit Vera Oruçaj e Sunaj Saraqi, një histori pasioni, e bukur, e çiltër, por shumë e diskutuar. Pse? Nuk kishte asgjë më shumë për t’u diskutuar sesa mosha e nuses, këngëtares e prezantueses Vera Oruçaj, e cila ishte për disa vite më e madhe në moshë se Sunaj Saraqi, këngëtari i talentuar e i pashëm me të cilin po shoqërohej.
Pavarësisht hendekut të moshës, dyshja e vazhduan lidhjen, madje u martuan e sollën në jetë një djalë, Sevenin, tashmë këngëtar i dëshmuar e shumë i njohur madje edhe përtej kufijve shqiptar. Vera dhe Sunaj Saraqi duken nga çiftet më të lumtura të showbizit. Ata, jetojnë në SHBA ku edhe e zhvillojnë aktivitetin e tyre muzikor.
