Inter-Juventus është gati të regjistrojë një rekord të ri në Serie A: klubi zikaltër ka njoftuar që, ashtu si parashikohej, stadiumi të jetë i tejmbushur, me më shumë se 75.000 persona për një arkëtim prej 6,5 milionë euro mes kuotave të abonimeve, biletave e shërbimeve të mikpritjes. Do të jenë në fakt mbi 100 kombësitë e përfaqësuara në shkallët e stadiumit, me më shumë se 20% të biletave të blera jashtë kufijve të Italisë, për një ndeshje që do të transmetohet në më shumë se 200 shtete.
Ajo e të dielës në mbrëmje do të jetë Derbi i Italisë numër 236°, nga të cilët 172 janë luajtur në Serie A: 46 janë fitoret e Inter, 82 ato të Juventus me 44 barazime (i fundit në prill, 1-1 me gola të Nainggolan e Cristiano Ronaldo. I njëjti rezultat edhe në derbin e luajtur në International Champions Cup në korrik, fituar më pas me penallti nga bardhezinjtë).
