Politike

Rama “e kap” me prokurorët: Në Gjirokastër i dha urdhër mbrojtje burrit dhunues

13:19 - 09.10.19 gsh

Kryeministri Edi Rama ka bërë një tjetër deklaratë të fortë nga foltorja e Kuvendit, teksa e ka cilësuar si kriminel një gjyqtar në Gjirokastër. Vetëm pak ditës pasi akuzoi prokurorin e Durrësit, Arian Ndoja, si të lidhur me bandat kriminale, kreu i qeverisë tha se edhe në Gjirokastër është një gjyqtar kriminel, që i jep urdhër mbrojtjeje burrit, që dhunon gruan.



“Është koha të marrim një masë ekstreme sa ç’është ekstreme veprimtaria e këtyre kriminelëve në prokurori, bashki dhe rrugë. Çfarë është një gjykatës që brenda dy ditësh në Apel vë në mbrojtje burrin, ai është kriminel. Është një kokërr krimineli. Ne nuk mund ta lejojmë më këtë, që Shqipëria të mos bëjë kapërcimin e fundit me këto palaço në Prokurori, Gjykatë dhe në rrugë.

Duhet ta bëjmë ne tani dhe të jeni të sigurt që edhe mbështetjen do ta marrin, nga populli nuk diskutohet, por edhe nga ndërkombëtarët. Nuk mund të pres më unë, që ai krimineli i jep mbrojtje burrit, që e ka bërë gruan gjysmënjeriu”, deklaroi kreu i qeverisë.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *