Kryeministri Edi Rama ka reaguar ndaj një grupi prokurorësh dhe gjyqtarësh, të cilët sipas tij kanë ngritur një grup të quajtur ‘KÇK’ ( kap çfarë të kapësh ).
Kreu i Ekzekutivit tha se të gjithë këta zyrtarë të drejtësisë do të shpallen në kërkim nga parlamenti, duke përmendur dhe një prokuror dhe gjyqtar në Durrës.
Rama tha se i kishte ardhur dhe një mesazh në telefonin e tij, gjithashtu shprehu dëshirën për ta lexuar por në mungesë të telefonit nuk e realizoj dot leximin e mesazhit.
“Disa prokurorë dhe gjyqtarë, kanë ngritur një grup ‘KÇK’. ‘KÇK’-kap ca të kapësh. Këtë grupin ky parlament do ta shpalli grup në kërkim. E them jo në mënyrë metaforike, por në mënyrë të drejtpërdrejtë. Me çdo mënyrë, me çdo mënyrë, duke ushtruar pushtetin e sovranit këtu. Të gjithë së bashku! Është e kotë që nga tryezat e opozitës te ngrihen këtu dhe të fajësojnë qeverinë. Prokurorë dhe gjykatës si ai në Durrës, plotë si ata bëjnë kërdinë mbi njerëzit çdo ditë. Nuk e mora telefonin me vete t’u lexoja një mesazh që mora. Sms marr çdo ditë nga njerëz që capërlohen. E dëgjova të nderuarin gojëtar të opozitës…ndihej ulërima deri jashtë. Po thoshe që; shtetit merret me të vegjël e të mëdhenj”, tha Rama.