Eduard Leli, biznesmen, pronar i një prej televizioneve më të rëndësishme në Vlorë, është duke vuajtur një sëmundje të rëndë.
Vetëm ditën e sotme u mësua për gjendjen e tij shëndetësore, pas pohimit të kryetarit të bashkisë së Vlorës Dritan Leli se nuk e kishte mendjen te shpërthimi i makinës pasi ishte impenjuar me të vëllain e sëmurë, raporton newsbomb.al.
Eduard Leli, është president i televizionit lokal One TV, dikur ish tv-Amantia. I njohur dhe i respektuar në komunitetin vlonjat, Ed Leli me miqësinë, shoqërinë, diturinë e tij i ka dhënë jo pak komunitetit të Vlorës, e në veçanti një ndihmë të madhe edhe gazetarëve të qytetit. Gjithmone optimist, i qeshur, rrallëhere i merzitur, dhe i kudogjendur për ata që kanë nevojë, ky është në fakt Eduard Leli.
Eduard Leli aktualisht gjendet nën kontrollin e rreptë të mjekëve dhe nën kura intensive. Pranë tij janë familjarët, miqtë, shokët, jo vetëm nga Vlora por nga gjithë Shqipëria. Të gjithë duke shpresuar…/Newsbomb.al/
