Thuajse një javë pas ngjarjes së rëndë te Mbikalimi i Shkozetit, ku iu bë atentat prokurorit Arjan Ndoja, bilanci i ngjarjes është rënduar pasi shoferi Andi Maloku ka ndërruar jetë.
Por sipas burimeve të Vizion Plus, ngjarja mund të ishte akoma më e rëndë. Kjo pasi sipas hetuesve, në kohën që autorët kanë qëlluar me breshëri, një nga armët tip kallashnikov është bllokuar.
Po kështu janë sekuestruar edhe telefonat e Muharremit, i njohur me pseodonimin Rrumi. Ndërkohë i arrestuar për ngjarjen është vetëm Redjan Rraja, i cili u la në burg nga Krimet e Rënda një ditë më parë.
Mësohet po ashtu se Prokuroria për Krimet të Rënda ka siguruar pamjet e kamerave të sigurisë të një biznesi pranë vendit ku ka ndodhur atentati ndaj prokurorit, ku duken qartë të tri makinat.
Prokurorët po punojnë për të parë dhe identifikuar autorët që kanë qëlluar me dy kallashnikovët. Ndërkohë në makinën Mercedes Benz është gjetur një tjetër gjurmë gishti që nuk i përket Redjan Rrajës.