Aktualitet

Theodhori Sollaku kujton kohët kur i dha masë ndëshkimore prokurorit Arjan Ndoj. Si u kthye ai në sistem?

19:17 - 09.11.19 Gazeta Shqiptare

Ish prokurori i Përgjithshëm, Theodhori Sollaku, ka deklaruar se gjatë kohës kur ka qenë në postin e kryeprokurorit ka dhënë masë disiplinore për prokurorin Ndoji, por nuk e njhte personalisht atë.



I ftuar në emisionin ‘Kjo Javë’, Sollaku theksoi se gjatë kohës kur ai ishte në krye të prokurorisë së përgjitshme, ka funksionuar ndryshe hallka e dhënies së masave disiplinore.

‘Me të thënë të drejtën nuk e kujtoj saktë periudhën që kam dhënë masë disiplinore për prokurorin Ndoji, pasi në atë kohë funksiononte pak më ndryshe.

Nuk e kujtoj, sepse në atë kohë detyra e Prokurorit të Përgjithshëm, ndryshe nga sot, është që ishte përgjegjëse për politikën e kuadrit. Drejtoria e Inspektimit kur gjendeshin shkelje të ndryshme propozonte masa dhe prokurori i përgjithshëm ishte i detyruar t’ia propozonte Presidentit për të marrë masa.

Nuk di hollësitë për këtë rast, por di qe pas ca kohësh ai ka fituar në Gjykatën e Lartë të drejtën për t’u kthyer sërish në detyrën e prokurorit. Kanë qenë çështje që Drejtoria Inspektimit, unë, Presidenti i Republikës, vlerësuam se çonin në shkarkimin e prokurorit, por më vonë Gjykata e Lartë tha ‘jo’, pra ky është sistemi që kemi zgjedhur’, ka thënë ish kryeprokurori Sollaku.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *