Moderatori i suksesshëm Blendi Fevziu, i ftuar në emisionin “Thumb on” të Fatmës e Aulonës, ka folur për librin e tij më te ri “Tirana e Nonës’’. Libri është shkruar për tre gratë të cilat kontribuan në formimin e tij kur ishte fëmijë.
Teksa fliste për të moderatori është përlotur. “Është një libër që e kam menduar gjithë jetën, është një libër që është ngjizur bashkë me mua kur unë nuk e dija as që do merresha me letërsi, as që do shkruaja, as që do kisha pasion për historinë dhe qytetin”, u shpreh Blendi. I pyetur nga moderatoret se çfarë do urrente nëna nga Tirana sot, Blendi i përlotur u përgjigj: “Nuk besoj se do urrente gjë, madje kjo ishte gjëja e parë që mendova kur lexova librin deri në fund. Ishte një keqardhje drithëruese që ato nuk do ta lexojnë dot këtë libër, është e trishtë”.