Në ditët e sotme një problem shumë shqetësues për të gjithë fëmijët është përdorimi dhe qëndrimi gjatë para ekranit të telefonave dhe smartphone-ave. Ne të rriturit një pjesë të madhe të kohës dhe të ardhurave po ja kushtojmë mjeteve teknologjike, duke i ndare që në moshë të vogël me femijët tanë. Një studim i ri ka treguar se përdorimi i ekranëve (Ipad, Tablet, Smartpohon) shkakton ndryshime strukturore në mendjen e fëmijëve parashkollorë, veçanërisht në pjesët që shoqërohen me gjuhë dhe aftësi të tjera shkrim-lexim.
Sipas një artikulli të botuar në Science Daily, studimi u bazua në skanimet e MRI-ve të 47 fëmijëve të shëndetshëm midis moshave 3 deri në 5 vjeç. Edhe pse studimi nuk zbuloi dot me saktësi si ndikon koha e ekranit në tru, ai tregoi se fëmijët që kalonin më shumë kohë në ekran kishin integritet strukturor më të ulët sesa pjesa tjetër e fëmijëve.
“Studimi ngre pyetje nëse të paktën disa aspekte të përdorimit të ekraneve, të bazuara në fëmijërinë e hershme, mund të ofrojnë stimulim nënoptimal gjatë kësaj gjendjeje të shpejtë, formuese të zhvillimit të trurit”,- tha Dr. John Hutton, drejtor i “Reading & Literacy Discovery” në spitalin e fëmijëve “Cincinnati” dhe autori kryesor i studimit.
“Ndërsa ne nuk mund të përcaktojmë akoma nëse koha e ekranit i shkakton këto ndryshime strukturore ose nënkupton rreziqe afatgjata neuro-zhvillimore, këto rezultate kërkojnë studim të mëtejshëm për të kuptuar se çfarë kuptojnë dhe si të vendosim kufijtë e duhur në përdorimin e teknologjisë”. Prandaj prindërit duhet ti largojnë fëmijët sa më shumë nga ekrani dhe ti angazhojnë në aktivitete sportive dhe artistike.