Bota

Vrasje për pasion që tronditi Rusinë/ 24-vjeçarja vritet barbarisht nga i dashuri 63-vjeçar

13:32 - 16.11.19 gsh

Vrasja makabër e 24-vjeçares nga i dashuri i saj 63-vjeçare, ka tronditur mbarë botën. Ngjarja e ndodhur disa ditë më parë, ku historian i njohur  Oleg Sokolov, profesor i Universitetit të Shën Petersburgut, kishte qëlluar për vdekje të dashurën, Anastasia Yeshchenko dhe pjesët e trupit të saj i kishte hedhur në një lumë në Shën Petersburg. Policia thotë se po po përpiqet që të rindërtojë skenat e ngjarjes së rëndë.



Mendohet se 63-vjeçari qëlloi dhe vrau të dashurën pas një sherri. Ai i preu kokën, krahët dhe këmbët. Në çantën e shpinës iu gjetën pjesë të brrylit dhe një armë. Ai ishte zhytur në ujin e akullt të lumit, kur u nxor nga aty.

Sokolov është akuzuar për vrasje dhe pritet të dalë në gjyq brenda dy muajsh.

“Jam i shkatërruar nga ajo që ka ndodhur, jam penduar,” tha Sokolov në gjykatë.

“Ne ishim të dashuruar fort me njëri-tjetrin dhe kishim në plan të martohemi. Ajo u çmend kur i përmenda fëmijët që kam nga martesa e parë dhe më sulmoi me thikë”.

“Nuk e di pse ndodhi kjo. Nuk kam goditur kurrë një femër. Nuk e kisha menduar kurrë një vërshim të tillë agresiviteti. Sulmi me thikë ishte i paimagjinueshëm. Në jetën time nuk më ka ndodhur kurrë diçka e tillë”.

“Mendoja se kjo vajzë ishte krijesa ideale dhe gradualisht ajo u kthye në një bishë si në një përrallë të frikshme. E paimagjinueshme”.

Profesori është një nga ekspertët më të njohur të Napoleonit dhe shpesh vishej si perandori francez. Ai kishte dalë bashkë me të dashurën e tij në disa video-dokumentarë. Në vitin 2003 kishte marrë çmimin e Legjionit të Nderit në Francë.

Rasti i tij ka shokuar jo vetëm Rusinë dhe ka ngritur pikëpyetje mbi dhunën ndaj grave nëpër qarqet akademike.

Burimet thonë se profesori kishte abuzuar edhe me një tjetër studente.Ai ishte ndarë nga dy gra.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.