Lideri i demokratëve, Lulzim Basha ka folur nga Lezha pas takimit që ka pasur me fermerët edhe për zhvillimet në vend.
Basha tha se plani i qeverisë është kapja e institucioneve ndaj duhet dëgjuar thirrja e shqiptarëve mbrëmjen e kaluar në stadium. Ai konfirmoi se e ka pranuar ftesën e Presidentit të Republikës Ilir Meta dhe do të takohen nesër në orën 9:00.
“Kapja e institucioneve është plani i vetëm e kësaj qeverie prandaj duhet ndalur një orë e më parë. Dhe thirrja e shqiptareve që dëgjuam dje në stadium duhem t’ia vëmë mirë veshin është thirrja për ndryshim. Është thirrja për t’i dhënë fund krizës politike përmes zgjedhjeve të parakohshme parlamentare dhe lokale në një ditë. Ftesën e zotit Meta e kam pranuar dhe konfirmuar. Do të takohem nesër në orën 9”, deklaroi kreu i PD.
