AKTUALITET

Gazetari detaje për videon erotike: Zyrtarja e Ministrisë së Brendshme dhe ambasadori në momente intime, tashmë në dorë të SHISH dhe Metës

12:45 - 21.11.19 gsh
GSH APP Download on Apple Store Get it on Google Play

Gazetari Elton Qyno ka dhënë detaje lidhur me videon me përmbajtje erotike që ka dalë në skenë këto ditët e fundit, dhe është përfolur se implikon një zyrtare të ministrisë së brendshme me një ambasador të një vendi mik në vendin tonë.




Qyno shprehet se videoja ka rënë në dorë të presidentit Meta dhe të SHISH, por sipas tij publikimi i saj nuk do të ndodh pasi do të shkatërronte jetën private të dy personave të përfshirë.

Sipas gazetarit videoja ka dalë për qarkullim mes shokësh, fillimisht në disa tavolina në hotel “Rogner” dhe “Sheraton”, ku më vonë ka rënë në dorë edhe të Shërbimit Informativ Shtetëror.

Postimi i plotë i Qynos:

Kush po shantazhohet me një video seksi që nëse publikohet do sjellë skandal diplomatik dhe shkatërim të jetës private. Një video shumë e përfolur ditët e fundit, ku një ambasador i huaj kryen marëdhënie seksuale me një zyrtare të administratës shqiptare, po mbahet si mjet presioni dhe shantazhi nga disa persona që e zotërojnë në dorë këtë video. Në fakt videoja, ka dalë për qarkullim mes shokësh, fillimisht në disa tavolina në hotel “Rogner” dhe “Sheraton”, ku më vonë ka rënë në dorë edhe të Shërbimit Informativ Shtetëror.

Kjo video ka si protagoniste një zyrtare të ministrisë së Brendshme dhe një ambasador të një vendi mik me Shqipërinë, të cilët janë në çaste intime me njëri-tjetrin. Përveç se një skandal diplomatik, publikimi i kësaj video në media, do të sillte shkatërimin e jetës private të dy protagonistëve të kësaj video. Prej kohësh materiali filmik, ndodhet edhe në dorë të Presidentit të Republikës së Shqipërisë Ilir Meta, i cili disa ditë më parë bëri publike praninë e kësaj video, madje duke hedhur idenë e publikimit të këtij filmimi në ditët në vijim në media.

Në fakt është një histori e përsëritur shantazhi, si disa vite më parë, ku u hodh lajmi në media se një ish-ministër i qeverisë “Rama”, ishte filmuar duke kryer marëdhënie seksuale me një burrë në një hotel Brazilian. Lajmi që mbajti peshë opinion publik, në fakt u venit dhe sot e kësaj dite nuk përmendet më. Edhe në ditët e sotme, jemi përballë të njëjtës situatë ku hidhet një lajm dhe më pas shantazhohet dikush, dhe mandej nuk publikohet asnjë gjë, por vetëm qarkullon si thashethem urban, duke mos u publikuar asnjë fakt.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.