Policia e Shkodrës ka dhënë njoftimin zyrtarë për operacionin e zhvilluar gjatë orëve të natës, ku ranë në pranga 3 persona. Mes personave të arrestuar janë dy menaxherët dhe këngëtari I një klubi nate në Shkodër, ndërsa është shpallur në kërkim pronari I tij me inicialet E.M.
Në pranga kanë rënë shtetasit Gasper Marku, Aldo Vruçaj dhe Zamir Jakupi, i cili është këngëtarë.
Po ashtu gjatë aksionit u proceduan në gjendje të lirë shtetasit Ç. P., 33 vjeç, lindur dhe banues në Shkodër (klient) dhe L. S., 31 vjeçe, banuese në Shkodër (balerinë).
Nga hetimet e kryera ka rezultuar se të gjithë këta shtetas, në bashkpunim me njëri-tjetrin dhe persona të tjerë kanë shitur dhe shpërndarë lëndë narkotike kokainë, kanë vënë në dispozicion ambientet e lokalit për përdorimin e drogave dhe për ushtrim prostitucioni.
Në momentin e kontrollit, Policia ka sekuestruar një sasi të vogël lënde narkotike kokainë dhe sende të tjera që shërbejnë për përdorimin e lëndëve narkotike, 5 aparate celular dhe dokumentacionin e lokalit ku ushtrohej ky aktivitet.
