Dekretimi i Fatmir Xhafës si Ministër i Brendshëm ishte një rast tjetër që Visar Zhiti, të sulmonte presidentin. I ngarkuari me punë në Vatikan është në një konflikt të hapur me Bujar Nishanin, që kur ky refuzoi ta dekretonte si ambasador në Vatikan. Por edhe presidenti ka vendosur t’i përgjigjet dhëmb për dhëmb të ngarkuarit tonë me punë në Vatikan. Në një intervistë për Panoramën këtë të mërkurë e quante “të paqëndrueshëm psikologjikisht” Visar Zhitin. Dhe për ta përhapur sa më shumë mesazhin e tij në rrjetet sociale, Presidenti ka bërë një pagesë të vogël në Facebook, për të sposorizuar me pak dollarë lajmin e pasqyruar nga thuajse të gjitha portalet.
Shfaq Komentet (0)