Pas postimit të videos nga ish-ministri Tahiri, ku shikohet duke i futur ne xhep nje zarf te dhunuarit Gjovalin Gjini , ka reaguar kandidati për deputet i LSI-së, Viktor Tushaj, me anë të një statusi në “Facebook”. Tushaj ka thënë se gjesti i tij ka të bëjë me zakonin për të nderuar filxhanin e kafes, pra se ai e ka uruar për shkak të lëndimit dhe daljes nga spitali. Kandidati i LSI-së thotë se ai bashkë me Gjovalinin, kryeplakun e Rraboshtës e kanë respektuar dhe e respektojnë këtë traditë të bukur duke shtuar se turpi është për ata që e kanë harruar.
Statusi i plotë
Zakoni i malsorit, zadrimorit, mirditorit dhe i gjithë shqiptarëve është që në raste tilla filxhani i kafes nderohet. Unë së bashku me miqte e Gjovalinit tërë jetën tone e kemi respektuar dhe do ta respektojme këtë traditë të bukur. Nëse dikush i ka harruar këto vlera është turpi i tyre. Respekte për këtë familje të nderuar dhe për të gjithë ata që i nderojnë këto vlera!