A do japë dorëheqjen? Basha takim për 45 minuta kokë më kokë në zyrën e Berishës

Kryedemokrati Lulzim Basha pritet që sot të dalë në një deklaratë për mediat në lidhje me rezultatin që mori PD në zgjedhjet e 25 qershorit.

Pak pas mesditës, Basha ka mbërritur në selinë blu pas një takimi me ish-kryeministrin dhe ish-kreun e PD-së, Sali Berisha. Një takim i cili zgjati për rreth 45 minuta.

Takimi mes tyre është bërë në zyrën e ish-kryeministrit, ndërsa është diskutuar pikërisht për situatën në të cilën PD ndodhet aktualisht pasi mori vetëm 43 deputetët në zgjedhjet e së dielës. Ndërkohë që  dhe përkrahësit e PD-së, fajësojnë Bashën për humbjen kundrejt PS-së, duke i kërkuar këtij të fundit të japë dorëheqjen.