Partia demokratike do ti rikthehen protestave për rritjen çmimit të ujit në Tiranë.
Këshilltarët e PD-së në Këshillin Bashkiak te Tiranës të cilët nuk morën pjesë në votimin për rritjen e çmimit ditën e sotme do ti rikthehen protestave me mbështetjen e qytetareve.
Partia Demokratike do të protestoje përpara Bashkisë sot ne 18:00.
Në shkresën e lejes që PD-ja i dërgon policisë cilësohet se në proteste do të marrin pjesë rreth 1 mijë protestues.
Sipas projektit fillestar të propozuar nga Bashkia, parashikohet një rritje çmimi me 44%, nga 45 lek/ m3 në 65 lekë/m3 ujë. Kjo rritje sipas Bashkisë së Tiranës, bëhet për të kryer investime në rrjet që në 5 vitet e ardhshme të garantohet furnizimi 24 orë me ujë në kryeqytet. Enti Rregullator i Ujit bëri me dije se do të vendosë në muajin shtator mbi aplikimin e bërë nga Ujësjellës-Kanalizime Tiranë për rritjen e çmimit të ujit.
