Ramush Haradinaj, kandidati i koalicionit PAN për kryeministër, pas mbarimit të seancës konstituive të Kuvendit ka theksuar se Kosova nuk mund të jetë peng i inateve e kalkulimeve.
Përmes një postimi në rrjetin social “Facebook”, Haradinaj pohoi se zgjedhjet prodhuan rezultatin që tashmë e dinë të gjithë, ndërsa theksoi se vonesat kanë të bëjnë me gjetjen e një formule për institucione sa më të qëndrueshme.
“Ky vend nuk mund të jetë peng i inateve dhe kalkulimeve!”, – ka thënë ndër të tjera Haradinaj.
MESAZHI I HARADINAJT
E para: zgjedhjet e kanë prodhuar rezultatin që e dini të gjithë.
E dyta: jemi përballë një kornize ligjore që nuk po krijon lehtësira.
E treta: nuk jemi aspak të interesuar që t’a bëjmë një qeveri sa për ta bërë.
Vonesat kanë të bëjnë me gjetjen e një formule për institucione stabile qeverisëse dhe prandaj opinioni publik duhet të na mirëkuptojë.
Është koha që partitë politike dhe udhëheqësit e tyre të reflektojnë dhe t’i pranojnë rregullat e lojës që na i ka percaktuar kushtetuta dhe gjykata kushtetuese dhe t’a zhbllokojmë vendin.
Ky vend nuk mund të jetë peng i inateve dhe kalkulimeve!
RH