Ish-kryeministri i Shqipërisë, Sali Berisha, ka numëruar me radhë nofkat e ministrave të Edi Ramës, duke e quajtur ata qeveritarët e krimit, pasi ka akuzuar direkt vëllanë e kryeministrit, si pjesë e bandës së Xibrakës dhe nxori datën se kur ai ka dalë me makinën me kokainë nga vendi.
“Ku është koka e krimit, ministrat e tij janë qeveritarët e krimit. Niko Peleshin e thërrasin Niko Rragami, Xhafën e thërrasin Agron Xhafa, Olta Xhaçkën, ku është…
Pandeli ti nuk e ke me krimin se e do njërën dorë në tepsi tjetrën në sini, edhe me Ramën dhe me Erjon Velinë.
Damian Çela, je ti, edhe një tjetër po prit..
Ditzi Bajro, e harruan Sulon që i internonte, tani e thërrasin Ditzi Bajro, Damjan, ushtar i klanit Bajro”
Arben Zhozhoja ku është, i njohur për aferat e tij të shumëllojta, por njëri është tipari i tij kryesor, nga këta ai e peshon në para në kandar Ramën.
AKUZAT PER OLSI RAMEN
Kryeministri Sali Berisha nga foltorja e Kuvendit ka folur me emra dhe ka akuzuar direkt vëllanë e kryeministrit Edi Rama, Olsi Ramën si një nga kokat e bandës së Xibrakës.
Ai ka theksuar se ka fakte për këtë. “Olsi Rama është gjetur në sistemin TIMS të kalojë kufirin me makinë e përshtatur për transport droge më 10 tetor të vitit 2014 nga Ilir Hoxha, Gjonaj dhe Genci Xhixha, kanë kaluar kufirin të gjithë ata që janë brenda”- tha Berisha. Kaluan kufirin të gjithë ata që janë brenda, por Olsi jo, se është vëllai yt.
I them këtij zotërisë, a është kjo një akuzë konkrete, dil dhe jep shpjegime pse yt vëlla në makinën e kokainës, yt vëlla erdhi me bandë nga Bostoni që merret me trafik drogë dhe të pista, por kjo ishte akuzë e përgjithshme mund të thoni ju.
Tani na thuaj pak është yt vëlla çfarë don ai me makinën e drogës, një nga kryesorët e Xibrakës, apo do thuash si Xhafa, ç’më duhet mua se çfarë bën im vëlla. Edi Rama kush i solli kriminelët në Kuvend?
Ndokën përdhunues, Frrokun vrasës, Prengën hajdut vilash dhe trafikant, i solli opozita apo i solle ti? Ti i solle se krimi i dobishëm është për tu nderuar. A kam të drejtë të quaj unë ty Edvin Ndoka, Prenga, Frroku, shumë të drejtë, nuk ke denoncuar asnjë prej tyre.
