Mbrëmjen e sotme janë rregjistruar disa të shtëna me armë zjarri në qytetin e Laçit. Sipas informacioneve paraprake, mbrëmjen e sotme shtetasi P.K., 39 vjeç, ka bërë kallëzim në Komisariatin e Policisë Kurbin se ka pasur një konflikt me shtetasin Z.LL., 33 vjeç, para makinave të tyre në Laç.
Shtetasi P.K. është larguar për në shtëpi dhe tek hyrja e pallatit ka dëgjuar të shtëna me armë zjarri ku pretendon dhe dyshohet se shtetasi Z. Ll. ka gjuajtur në ajër.
Policia ka gjetur në vendngjarje dhe sekuestruar në cilësinë e proves materiale një gëzhojë.
Grupi hetimor në bashkëpunim me Prokurorinë e Rrethit Gjyqësor Kurbin ndodhen në vendngjarje për hetime të mëtejshme të sqarimit të rrethanave të ngjarjes.
Ende vazhdon puna për kapjen e shtetasit Z.Ll për hetime të mëtejshme.