Pas lajmit të lëshimit të 3 urdhër-arresteve nga Prokuroria e Krimeve të Rënda, janë zbuluar edhe emrat e 3 ish-zyrtarëve të lartë të Policisë së Shtetit. Urdhër-arrestet janë lëshuar në qytetet Shkodër, Dhërmi dhe Vlorë.
Tre urdhërarrestet janë për tre ish-drejtorët, atë të Policisë së Vlorës, Jaeld Çela, atë të Shkodrës Alban Çela dhe për ish-drejtorin e postës së Dhërmiut Sokol Bode. Urdhër-arrestet i janë përcjellë policisë për ekzekutim.
Ish-drejtori i Vlorës, Jaeld Çeka, më parë ka qenë nën/drejtor në Policinë e Durrësit për dy vite gjatë mandatit të parë qeverisës të qeverisë Rama dhe më pas është emëruar në postin e drejtorit në Policinë e Vlorës. Si drejtor në Vlorë ka qëndruar nga shtatori i vitit 2014 deri në prill të vitit 2017. Më pas është larguar nga ministri i ri i brendshëm Fatmir Xhafa.
