Reshjet po largohen duke ia lënë vendin dëborës në zonat veriore të vendit, sipas Meteoalb.
Meteorologët parashikojnë që sot temperaturat të bien ndjeshëm. Për të dielën, orët e para të ditës mbeten me vranësira dhe reshje të pakta dëbore në zonat Lindore dhe Juglindore ndërsa pjesa tjetër e vendit kalon kryesisht e kthjellët. Gjatë ditës së diel, Shqipëria dominohet nga mot kryesisht i kthjellët por shumë i ftohtë pasi temperaturat e ajrit do të luhaten nga -5 / -6°C mëngjesi në zonat e thella në Veri deri në 10 / 11°C maksimumi në zonat Jugperëndimore.
Bora ka zbardhur edhe Dajtin ditën e sotme sic e shihni ne kete foto:
Edhe në Llogara, reshjet e shiut ia lanë vendin atyre të borës. Gjatë natës, ato kanë krijuar një shtresë deri në 10 centimetra, por rruga njoftohet se nuk ka bllokime, raporton “Tv Klan”.
Ndërsa qarku i Kukësit në orët e para të mengjesit u përfshi nga reshje dëbore dhe mbi 600 m lartësia e dëborës varion nga 5 deri 20 cm në rajonin e Valbonës, sipas “Ora Neës”.
Rrugët me dëborë
Rruga e Kombit lartësia e borës 5 cm në Tunel-Kalimash.Kanë punuar 6 borëpastruese.
Kolsh-Q.Shllak lartësia e borës 6 cm në Q.Shllak.Kanë punuar 4 borëpastruese.
Kukës-Bushtricë lartësia e borës 5 cm .Kanë punuar 2 borëpastruese.
Kukës-Ura e Zapodit nuk ka prani dëbore.Kanë punuar 2 fadroma për pastrimin e gurëve e dherave.
Kukës-Krumë-Q.Prushi-Kam lartësia e borës 10 cm në Q.Tobli.Kanë punuar 2 borëpastruese.
B.Curri-Kam lartësia e borës 5 cm në Q.Luzhë.Kanë punuar 2 borëpastruese.
B.Curri-Valbonë lartësia e borës 20 cm .Kanë punuar 2 borëpastruese dhe 2 fadroma.
Q.Morinë-B.Curri-Fierzë-Lekbibaj lartësia e borës 5 cm .Ka punuar 2 borëpastruese.
Janë vënë në punë 20 borëpastruese 4 fadroma për mbajtjen në gadishmëri të akseve rrugore.
Aktualisht janë pa energji vetëm Njësia Administrative Zapod e Bashkisë Kukës.
Forma e reshjeve dje pas mesnatës ne Veri, Verilindje dhe pjeserisht Qendra (zonat e gjelbra = shi; zonat e bardha = borë).