Në lajmet tona të “show-bizz”-it, në rubrikën “nostalgji” mund të gjeni fotografi, lajme apo intervista të veçanta, të publikuara gjatë viteve në suplementin “Bluetooth” të “Gazetës Shqiptare”. Në GSH.al, sot po ju sjellim: Arta Bajrami: Së shpejti do bëhem mama
Arta Bajrami: Së shpejti do bëhem mama
Këngëtarja flet për martesën dhe projektet muzikore
Ajo është njëra prej këngëtarëve që më se paku ka pushtuar gjatë këtyre viteve. Çdo vit me nga një album! Çdo vit me disa klipe! Kjo është Arta Bajrami, e cila në këtë intervistë thotë se punon shumë ndërkaq na thotë se edhe në jetën e saj bashkëshortore është shumë e lumtur. E porsa martuar me Jimmi-in, Arta thotë se nuk i dihet dhe së shpejti ajo edhe mund të bëhet mama…
Sapo jeni martuar… Si po ju duket jeta në çift?
Shumë mirë është diçka ndryshe është komplet jetë e re dhe unë po ndihem shumë, shumë mirë. Kam përkrahjen e burrit tim e çka është ma kryesorja kam dashurinë e tij që me ngroh dhe me bën të lumtur.
A keni planifikuar që të keni ndonjë fëmijë se shpejti apo mendoni se ka kohë për këtë gjë?
Sigurisht njeriu martohet, pra, edhe të krijojë familje, çdo gjë shkon me kohë. Unë vendimet e mia në jetë i marr me kohë kështu që prisni edhe pak. Kurrë nuk i dihet…?
Ndërkohë gjatë këtij viti ka pasur edhe risi nga ana juaj. Keni hedhur në treg album dhe keni realizuar disa videoklipe… Çfarë mund të na thoni për këtë?
Ka qenë një vit më shumë risi në jetën time. Vit i shpejt! Së pari vit me më së shumti koncerte në diasporë, vit që u njoha Xhimin tim, gjë që bëri që edhe më shumë të jem në Gjermani. Në Prishtinë kam ardhur vetëm ndërkohë, të jem më shumë prezent në studion Arba-$ound për punën e albumit tim të ri dhe mund të them që Arbasi, vëllai, ka punuar intensivisht në album.
Sa ka ndikuar jeta private në punë?
Nuk kam dashur që të ndikoj jeta ime private në hovin e punës time. Ja kam caktuar vetës detyrat që më duhet t’i kryej. Albumi “De LUXE” ka dal shumë i suksesshëm – e edhe njëherë u dëshmua puna e Don Arbas, dhe mua me duhet patjetër që t’i realizoj më së paku tri klipe për një album pasi këngët janë të gjitha hite – siç edhe kam vepruar me albumin e parafundit “Chocolata”.
Zakonisht bashkëpunoni me Don Arbas… Si është të bashkëpunosh me vëllanë në karrierë?
Ku ka më mirë! Jam shumë me fat që e kam vëlla. Por, edhe që punoj me një producent profesionist siç është Don Arbas. Arbasi është shumë strikt në punë! Kërkon maksimumin nga këngëtari dhe çka me pëlqen të ai është që nuk pranon të punojë me këngëtarë që s’kanë talent ose zë për muzikë. Nuk është që vetëm t’ju marrë parat dhe a ka sukses ai person ose jo s’ka rëndësi! Jo, sepse ai i kushton shumë rëndësi një instrumentali, pra punës se tij dhe dëshiron që atë instrumental ta kompletoi këngëtari me potencialin e tij. Atëherë aty është çelësi kryesor i asaj këngë që të bëhet hit.
A do të këtë befasi nga Arta këtë fundvit?
Po sigurisht që do të këtë. Unë punoj shumë dhe punoj për afate më të gjata. Edhe nëse dua ndonjëherë të pushoj pak, fansat e mi, pra publiku im nuk më lënë. Kërkojnë këngë të reja dhe kjo është arsyeja dhe motivi për punën time. Pra, e dua shumë publikun tim!
Ky shkrim u botua më 7 nëntor 2009
