Sokol Balla ka nisur tashmë zyrtarisht punën e tij të re si Drejtor Ekzekutiv në Vizion Plus, ku do të ketë edhe emisionin e tij politik.
Ka qenë vetë gazetari i njohur që ditën e tij të parë të punës së re ta ndajë me miqtë në Tëitter ku ka postuar një fotografi nga orët e vona.
Madje Balla duket të ketë qenë edhe supersticioz për një nisje sa më të mbarë të kësaj sfide aq sa ka evidentuar orën dhe datën e ditës së tij të parë të punës.
Ora 11.11, 11.1 Dita 1 e punes se re ☺️ pic.twitter.com/6zyNya0rM1
— Sokol Balla (@sokolballa) January 11, 2018
Po ashtu mësohet se ish-drejtuesi i ‘Top Story’ do të shfaqet në ekran dy herë në javë, të hënën dhe të enjten, në orën 21:00 të mbrëmjes. Emisioni që do të drejtojë do të jetë i natyrës politike, me të ftuar dhe debate në studio.
Emri i tij ende nuk është bërë i ditur, por flitet se do të jetë pak a shumë një strukturë e njejtë me ‘Top Story’.
Kujtojmë se “Gazeta Shqiptare” raportoi ekskluzivisht lajmin e para për largimin e gazetarit të njohur nga ekrani i “Top Channel” për në “Vizion Plus”, që në momentin që ai po negocionte për detyrën e tij të re.