Kryeministri Edi Rama është ndalur në Rrëshen këtë të shtunë ku ka zhvilluar një bashkëbisedim me qytetarët për platformën shqiperiaqeduam.al.
Në fjalën e tij Kryeministri Rama theksoi vullnetin e qeverisë që ai drejton për të pastruar administratën nga të ashtuquajtur “parazitë” dhe të “korruptuar”.
Për të ja arritur kësaj, Rama ftoi të gjithë qytetarët që të bëjnë denoncimet e tyre, nëse nuk marrin shërbimin që meritojnë nga administrata.
Për ta ilutruar këtë, shefi i qeverisë solli në vëmendje shembullin e një emigranti, teksa paralajmëroi që nëpunësi që shkel ligjin do të ndëshkohet, pavarësisht bindjes politike.
“Meqë ra fjala për ALUIZNI-n, një emigrant, është një informacion që më mbeti në mendje nga pasqyra e raportit të bashkëqeverisjes, një emigrant që s’është fare në Shqiperi kishte 3 vjet që kërkonte te merrte legalizimin e shtëpisë dhe kjo u faktua nga verifikimet e dokumentacionit, mori për 10 ditë jo përgjigjen që do ta shofi por legalizimin, por edhe kush është përgjegjësi do iki nga puna, le të jetë socialisti më i flaktë, flaka e atij që i pengon endrren emigrantit te legalizoje shtepine e tij, nuk i duhet PS, le të shkojë ta përdorë ata flakë që i thonë vetes socialistë në TV” tha Rama