Një 43-vjeçar është vënë në pranga e policisë së Tiranës, ndërsa ishte shpallur në kërkim pas dënimit me 9 vite burg.
Uniformat blu kanë bërë të ditur se gjatë orëve të para të mëngjesit të sotëm kanë arrestuar 43-vjeçarin Gazmend Biraçin, banues në fshatin Kllojkë, Tiranë.
Ky person ishte shpallur në kërkim më 12 tetor të 2016-ës, pasi dyshohej se ishte bashkëpunëtor për veprat penale ‘prodhim e shitje e narkotikeve’ dhe ‘prodhim e mbajtje pa leje e armeve luftarake’.
Gjatë një operacioni të bërë ne fshatin Kllojkë u gjetën dhe u bllokuan në cilësinë e provës materiale, 79.6 kilogram lëndë narkotike e llojit kanabis sativa dhe 6 armë zjarri.
Ndalimi i këtij personi është bërë, pasi Gjykata e Tiranës me vendim e datës 14 dhjetor 2017 e ka dënuar me 9 vjet burgim për dy akuza.
