Komisoni Europian u ka kërkuar që në nëntor të 2016-ës, platformave si Google, Facebook dhe Teitter të përshtatin mbrojtjen e tyre për konsumatorët me rregullat e Bashkimit Europian.
E teksa Google i ka përshtatur rregullat e platformës së saj Google plus në një masë të konsiderueshme me kërkesat e Komisionit, Facebook dhe veçanërisht Twitter nuk kanë vepruar kështu.
Komisioni Europian bëri të ditur se pika shumë të rëndësishme të rregullores së Bashkimit Europian, ata i kanë marrë parasysh vetëm pjesërisht.
Veçanërisht janë procedurat për bllokimin e përmbajtjeve dhe të llogarive të përdoruesve ku ndeshen problemet më të mëdha.
Komisionerja për Drejtësinë e Bashkimit Europian, Vera Jourova, deklaroi se propozimet e paraqitura deri tani nga këto sipërmarrje janë të pamjaftueshme.
“Mbrojtja e konsumatorëve në Bashkimin Europian duhet respektuar. Nëse sipërmarrjet nuk i përmbahen kësaj, ato duhet të mbulohen me gjoba”, u shpreh ajo.
Përdoruesit e Twitter-it dhe të Facebookut, veç kësaj nuk informohen në kohën e duhur dhe jo mjaftueshëm për përmbajtjet që i kërcënojnë dhe cilësohen si të dyshuara si ilegale, kritikoi Komisioni.